O‘zbekistonda aholiga bir kunda o‘rtacha qancha baliq yetkazib berilayotgani aytildi

Respublika bozorlarida baliq sotishga mo‘ljallangan 282 ta savdo nuqtasi tashkil etilgan, aholiga bir kunda o‘rtacha 110—130 tonnagacha baliq yetkazib berilmoqda. Bu haqda AOKAda o‘tkazilgan brifingda “O‘zbekbaliqsanoati” uyushmasi axborot xizmati rahbari Zilola Ro‘ziyeva ma’lum qildi.

Ta’kidlanishicha, Toshkent shahri hokimligi tomonidan 12 ta dehqon bozori va ularning shoxobchalarida baliq savdosiga ixtisoslashgan savdo nuqtalari tashkil etish uchun 54 ta joy ajratilgan. Mazkur joylarda baliq yetishtiruvchi va qayta ishlovchi xo‘jalik yurituvchi subyektlar tomonidan o‘z mablag‘lari evaziga yengil konstruksiyali zamonaviy ko‘rinishga ega akvariumli savdo nuqtalari tashkil etildi.

Toshkent shahridagi dehqon bozorlari va ularning shoxobchalarida ushbu savdo joylari orqali aholiga bir kunda 15 tonnadan 20 tonnagacha sifatli va arzon tirik baliq yetkazib kelinmoqda.

Mavzuga doir: 

• O‘zbekiston baliq va dengiz mahsulotlarini import qilishni oshirdi
• O‘zbekiston baliqni eng ko‘p qayerdan sotib olayotgani ma’lum qilindi
• O‘zbekistonda baliqni kooperatsiya asosida yetishtiruvchilar barcha soliqlardan ozod qilinadi