O‘zbekistonda ilk bor o‘smirlarning ruhiy salomatligi bo‘yicha o‘tkazilgan tadqiqot natijalari e’lon qilindi. Bu haqda AOKAda YUNISEFning O‘zbekistondagi vakolatxonasi rahbari, Senat a’zolari, SSV va XTV mutasaddilari ishtirokida bo‘lib o‘tgan matbuot anjumanida ma’lum qilindi.
YUNISEF va hamkor tashkilotlar bilan o‘tkazilgan tadqiqotda respublikadagi barcha 14 ta hududdagi 299 ta maktabning 22 854 nafar o‘quvchisi ishtirok etdi. Tadqiqot orqali o‘spirinlarning ehtiyojlari, ularning ruhiy salomatligi va ruhiy-ijtimoiy farovonligiga ta’sir qiluvchi maktab bilan bog‘liq omillar o‘rganildi.
Tadqiqot natijalariga ko‘ra, o‘quvchilarning 10 foizdan ko‘prog‘i bilan ijtimoiy muloqot mavjud emas va ajratib qo‘yishlardan aziyat chekadi, jumladan, har 10 ta o‘quvchidan bittasida maktab bilan bog‘liqlik hissi yo‘q (8,7 foiz), yanada ko‘prog‘i o‘zini maktabning bir qismi sifatida ko‘rmaydi (13,1 foiz) yoki sinfda o‘zini yolg‘iz sezadi (16,7 foiz).
Shuningdek, taqdim etilgan dalillarga ko‘ra, respublikadagi birlamchi bo‘g‘in sog‘liqni saqlash xodimlari (uchdan ikki qismidan ko‘pi) stress, o‘tkir bezovtalik, umidsizlik, charchoq, ruhiy tushkunlik va depressiyani boshdan kechiradi.
Shu bois YUNISEF tomonidan birlamchi bo‘g‘in tibbiyot xodimlari uchun raqamli platforma ham taqdim etildi. U ish hajmi va stressning ko‘payishi natijasidagi charchashning oldini olish va bartaraf etish uchun muhim bo‘lgan psixologik yordam ko‘rsatishga mo‘ljallangan.
Izoh (0)