“Liverpul” hujumchisi Muhammad Saloh Chempionlar Ligasi 4-turi doirasida “Reynjers”ga qarshi kechgan bahsda (7:1) het-trik qayd etdi.
Misrlik futbolchi 38-golini urdi. Bu Angliya klublari futbolchilari orasidagi YCHL rekordi hisoblanadi.
Saloh bu borada Didye Drogba va Serxio Agueroni ortda qoldirdi. “Chelsi” va “Manchester Siti” futbolchilari Chempionlar Ligasida 36 tadan gol urgandi.
Mazkur uchrashuvda dubl va bitta golli uzatma muallifiga aylangan Roberto Firmino YCHLdagi assistlari sonini 12 taga yetkazdi.
Braziliyalik futbolchi bu bo‘yicha “Liverpul” rekordchilari bo‘lgan Stiven Jerrard va Jeyms Milnerning ko‘rsatkichini takrorladi.
Izoh (0)