Futbol bo‘yicha Chempionlar Ligasining 4-turidan o‘rin olgan qator o‘yinlar 12-oktabr, chorshanba kuni bo‘lib o‘tdi.
“Liverpul” safarda “Reynjers” mehmoni bo‘ldi. Mersisaydliklar raqibi ustidan 7:1 hisobida zafar quchdi. “Liverpul” safida Harvi Elliot va Darvin Nunyes bittadan gol urgan bo‘lsa, Roberto Firmino dubl, Muhammad Saloh esa het-trik qayd etdi. Shotlandiya klubi safida esa Skot Arfild o‘z hisobiga gol yozdirib qo‘ydi.
Yurgen Klopp shogirdlari ochkolarini 9 taga yetkazib, pley-off yo‘llanmasini qo‘lga kiritdi. “Reynjers” esa birorta ochko jamg‘armagan holda guruh autsayderi bo‘lib turibdi.
“Tottenhem” o‘z maydonida “Ayntraxt” bilan bahs olib bordi. Uchrashuvning 14-daqiqasida Daichi Kamada hisobni ochdi. 20-daqiqasida Son Hyon Min muvozanatni tikladi. 28-daqiqada esa Harri Keyn penaltini aniq amalga oshirib, londonliklarni hisobda oldinga olib chiqdi. 36-daqiqada esa Son dublni rasmiylashtirdi. 87-daqiqada Alidu tomonidan urilgan gol yetarli bo‘lmadi va “shporlar” 3:2 hisobida g‘alaba qozondi.
D guruhining ikkinchi o‘yinida “Marsel” “Sporting”ni 2:0 hisobida mag’lub etdi.
Antonio Konte shogirdlari D guruhida 7 ochko bilan yetakchilik qilmoqda. “Marsel” va “Sporting” 6 ochkodan jamg‘arib, 2 va 3-pog‘onalarni band etdi. “Ayntraxt” esa 4 ochko bilan so‘nggi o‘rinda bormoqda.
“Portu” esa safarda “Bayer”ni 3:0 hisobida taslim etdi.
YCHL
4-tur bahslari
12-oktabr, chorshanba
“Reynjers” Shotlandiya – “Liverpul” Angliya 1:7
Gollar: 1:0 – 17 Arfild, 1:1 – 24 Firmino, 1:2 – 55 Firmino, 1:3 – 66 Nunyes, 1:4 – 75 Saloh, 1:5 – 80 Saloh, 1:6 – 81 Saloh, 1:7 – 87 Elliott.“Reynjers”: Makgregor, Taverne, Goldson (King, 45), Devis, Barishich, Jek (Devis, 60), Arfild, Landstrem, Cholak (Morelos, 76), Kent (Rayt, 76), Sakala (Matondo, 76).
“Liverpul”: Alisson, Gomes, van Deyk, Konate (Milner, 79), Simikas (Robertson, 68), Elliott, Karvalyu, Henderson (Tiago Alkantara, 67), Fabinyo, Firmino (Diogu Jota, 73), Nunyes (Saloh, 68).
Ogohlantirish: Gomes (90).
“Tottenhem” Angliya – “Ayntraxt” Germaniya 3:2
Gollar: 0:1 – 14 Kamada, 1:1 – 20 Son Hyon Min, 2:1 – 28 Keyn (penalti), 3:1 – 36 Son Hyon Min, 3:2 – 87 Alidu.“Tottenhem”: Lyoris, Emerson, Dayer (Sanches, 78), Langle, Romero, Sessenyon, Hyoyberg (Xil, 85), Bentankur (Bissuma, 67), Son Hyon Min (Lukas Moura, 86), Keyn, Risharlison (Skipp, 67).
“Ayntraxt”: Trapp, Xasebe (Ebimbe, 69), Ndika, Tuta, Lens (Alidu, 70), Yakich, Rode (Smolchich, 69), Sou, Kamada (Getse, 78), Lindstrem, Kolo-Muani (Borre, 69).
Ogohlantirishlar: Dayer (12), Bentankur (40), Tuta (57), Xasebe (60), Sessenyon (84), Smolchich (90).
Chetlatish: Tuta (59).
Izoh (0)