Futbol bo‘yicha Chempionlar Ligasining 4-turida C guruhidagi ikki o‘yin bo‘lib o‘tdi.
“Barselona” o‘z maydonida “Inter”ni qabul qildi. Uchrashuvning 40-daqiqasida Usmon Dembele gol urib, hisobni ochdi. Birinchi bo‘lim “Barselona” foydasiga hal bo‘ldi.
Ikkinchi bo‘limda esa mehmonlar faol harakat qildi va 50-daqiqada Nikolo Barella hisobni tenglashtirdi. 63-daqiqada Lautaro Martines jarima maydonida himoyachilarning pala-partish harakatidan foydalanib, “Inter”ning ikkinchi golini urdi.
82-daqiqada Robert Levandovski muvozanatni tikladi. Asosiy vaqtning so‘nggi daqiqasida Robert Gosens o‘z hisobiga gol yozdirib qo‘ydi. 90+2-daqiqada polshalik hujumchi yana muvozanatni tikladi va uning goli o‘yinda eng so‘nggisiga aylandi. Yakuniy hisob 3:3 ko‘rinishiga keldi.
“Bavariya” esa “Viktoriya” bilan bahs olib bordi va 4:2 hisobida zafar quchdi. Myunxenliklar tarkibida Sadio Mane va Tomas Myuller bittadan, Leon Goretska esa ikkita gol urdi.
Myunxen jamoasi ochkolarini 12 taga yetkazdi va pley-off yo‘llanmasini qo‘lga kiritdi. “Inter” 7 ochko bilan ikkinchi, “Barselona” esa 4 ochko bilan uchinchi pog‘onani band etdi. “Viktoriya” barchaga ochko ulashuvchi jamoaga aylanib, o‘z hisobiga birorta ochko jamg‘ara olmadi.
YCHL
4-tur bahslari
12-oktabr, chorshanba
“Barselona” Ispaniya – “Inter” Italiya 3:3
Gollar: 1:0 – 40 Dembele, 1:1 – 50 Barella, 1:2 – 63 Martines, 2:2 – 82 Levandovski, 2:3 – 89 Gosens, 3:3 – 90 Levandovski.“Barselona”: ter Stegen, Serji Roberto (Kessie, 72), Pike, Erik Garsiya, Alonso (Balde, 72), Buskets (de Yong, 64), Pedri, Gavi (Ferran Torres, 82), Levandovski, Dembele, Rafinya (Fati, 64).
“Inter”: Onana, Dumfris, de Vrey, Shkrinyar, Bastoni (Acherbi, 85), Dimarko (Darmian, 67), Mxitaryan, Chalhano‘g‘lu (Gosens, 76), Barella (Aslani, 85), Jeko (Bellanova, 76), Martines.
Ogohlantirishlar: Martines (52), de Vrey (55), Dembele (78), Mxitaryan (84).
“Viktoriya” Chexiya – “Bavariya” Germaniya 2:4
Gollar: 0:1 – 10 Mane, 0:2 – 14 Myuller, 0:3 – 25 Goretska, 0:4 – 35 Goretska, 1:4 – 62 Vlkanova, 2:4 – 75 Kliment.“Viktoriya”: Stanek, Gavel (Golik, 46), Geyda, Tijani, Yemelka (Pernisa, 46), Kopis (Yirka, 26), Moskera, Vlkanova (Pilarj, 81), Kalvax, Buxa, Xori (Kliment, 46).
“Bavariya”: Ulrayx, Mazraui, Upamekano (Vanner, 70), Pavar, Stanishich, Goretska (Gravenberx, 56), Kimmix, Myuller (Tel, 28), Mane, Koman (Shupo-Moting, 46), Sane (Zabitser, 70).
Ogohlantirishlar: Mazraui (64), Moskera (78), Zabitser (90).
Izoh (0)