Xorazm viloyatining Shovot tumanida 20 yoshli qiz qabristonda pichoqlanib o‘ldirildi. Bu haqda viloyat IIB matbuot xizmati xabar berdi.
Ma’lum qilinishicha, qotillik 1-oktabr kuni ertalab yuz bergan. 1993-yilda tug‘ilgan yigit tumanning “Uzunko‘l” mahallasi hududida joylashgan qabristonga o‘ziga oldindan tanish bo‘lgan qizni olib borgan. O‘rtalarida kelib chiqqan nizo sabab qizning ko‘krak qafasiga yigit bir necha marta jarohat yetkazib, qasddan o‘ldirgan.
Qayd etilishicha, ayni paytda holat yuzasidan dastlabki tergov harakatlari olib borilmoqda. Gumonlanuvchi yigit ehtiyot chorasi sifatida qamoqqa olingan.
Izoh (0)