Хоразм вилоятининг Шовот туманида 20 ёшли қиз қабристонда пичоқланиб ўлдирилди. Бу ҳақда вилоят ИИБ матбуот хизмати хабар берди.
Маълум қилинишича, қотиллик 1 октябрь куни эрталаб юз берган. 1993 йилда туғилган йигит туманнинг «Узункўл» маҳалласи ҳудудида жойлашган қабристонга ўзига олдиндан таниш бўлган қизни олиб борган. Ўрталарида келиб чиққан низо сабаб қизнинг кўкрак қафасига йигит бир неча марта жароҳат етказиб, қасддан ўлдирган.
Қайд этилишича, айни пайтда ҳолат юзасидан дастлабки тергов ҳаракатлари олиб борилмоқда. Гумонланувчи йигит эҳтиёт чораси сифатида қамоққа олинган.
Изоҳ (0)