Xalq ta’limi vazirligi xabariga ko‘ra, 18-oktabr kuni Xalqaro o‘zbek tili va adabiyoti olimpiadasi o‘tkaziladi.
Olimpiadaning maqsadi xorijiy davlatlar bilan fan va ta’lim sohasida hamkorlikni kuchaytirish orqali chet ellik yoshlarning o‘zbek tili va adabiyotiga bo‘lgan qiziqishini oshirish, o‘zbek tilining xalqaro miqyosdagi nufuzini yuksaltirish va milliy madaniyatni keng targ‘ib qilishdan iborat.
Olimpiadada xorijiy davlat fuqarosi (millatidan qat’i nazar) bo‘lgan 15–17 yoshli umumiy o‘rta ta’lim muassasalari o‘quvchilari, O‘zbekiston hududida yashayotgan va ta’lim olayotgan xorijiy fuqarolar ishtirok etishi mumkin. Olimpiadada qatnashishni istaganlar ushbu sahifa orqali 16-oktabrga qadar onlayn ro‘yxatdan o‘tishi mumkin.
Olimpiada 30 ta test topshirig‘idan iborat sinov shaklida 18-oktabr kuni soat 06:00 dan kechki soat 23:59 ga qadar o‘tkaziladi. Natijalar 19-oktabr kuni e’lon qilinadi.
Izoh (0)