Sony kompaniyasi yuqori inflyatsiya tufayli bir qator muhim xalqaro bozorlarda PlayStation 5 uchun tavsiya etilgan narxlarni oshirdi. Bu haqda “Interfaks” xabar bermoqda.
Jahon iqtisodiyotidagi vaziyat ko‘pchilik duch kelayotgan muammodir. Biz butun dunyo bo‘ylab yuqori inflyatsiya sur’atlarini, shuningdek, iste’molchilarga ta’sir ko‘rsatuvchi va ko‘plab sohalarda bosim yaratuvchi valyuta tendensiyalarining salbiy ta’sirini kuzatyapmiz, — deyiladi kompaniya bayonotida.Yevropada narxlar PlayStation 5 ning diskli konsoli uchun 50 yevroga oshib, 549,99 yevroga, disksiz konsoli uchun esa 449,99 yevrogacha ko‘tariladi.
Buyuk Britaniyada o‘sish 30 funt (35 dollar), Avstraliyada 50 Avstraliya dollari (35 dollar), Xitoyda esa 400 yuanni (58 dollar) tashkil qiladi. Narxlardagi o‘zgarishlar tez orada kuchga kiradi.
Yaponiyada PlayStation 5 15-sentabrdan boshlab 5 000 iyenaga (37 dollar) qimmatlashadi, AQSHda esa narxlar o‘zgarishsiz qoladi.
Aprel—iyun oylarida Sony o‘yinlari va konsollari sotuvi o‘tgan yilning shu davriga nisbatan 2 foizga, operatsion foyda esa 37 foizga kamaydi.
Payshanba, 25-avgust kuni Sony aksiyalari 0,2 foizga oshdi. Yil boshidan beri kompaniya kapitallashuvi 21 foizga pasayib, 10 mlrd dollardan ko‘proq bo‘lmoqda.
Avvalroq Sony kompaniyasi iPhone uchun yangi geympad taqdim etgan edi.
Izoh (0)