Amerikaning transmilliy, sport kiyimlari va poyabzal ishlab chiqaruvchi Nike kompaniyasi Bot Imitated Longevity Lab (BILL) nomli robotni taqdim etdi. U London do‘konida eski krossovkalarni ta’mirlaydi, deb yozadi Daily Mail nashri.
“Insonlar o‘zlarining sevimli poyabzallarining holatini saqlab qolish uchun juda ko‘p harakat qiladi. Mahsulotni ta’mirlash — bu mahsulot yordamida xotiramizni kengaytirish usuli hisoblanadi. Biz BILLni ushbu maqsadga erishish vositasi sifatida ko‘ramiz”, — deydi Nike NXT bo‘limi rahbari Noa Merfi-Raynherts.
BILL — eski poyabzallarni yangilash uchun suvga asoslangan tozalagichlar va qayta ishlangan poliyester yamoqlardan foydalanadigan robotli tizim.
Hozirda robot to‘rtta turdagi mashhur Nike poyabzali: Air Force 1, Air Jordan 1, Space Hippie 01 va Nike Dunks’ning chidamlilik muddatini uzaytira oladi.
Qurilma yuqori, yon qismlar va taglikdagi tozalanishi kerak bo‘lgan joylarni aniqlash uchun dastlab poyabzalning raqamli 3D modelini yaratadi. Keyin u suvga asoslangan tozalagichlar va avtomobil yuvish vositalariga o‘xshash aylanuvchi cho‘tkalar yordamida chuqur tozalash jarayonini boshlab, ishga kirishadi.
“Kengaytirilgan raqamli ko‘rsatkichlar robotga oyoq kiyimingizga eng kerak bo‘lgan joylarga ta’mirlash jarayonlarini amalga oshirish uchun robot aniqligidan foydalanishga yordam beradi”, — deb tushuntirdi Nike kompaniyasi vakillari axborotida.
Oyoq kiyimlar chiroyli va toza bo‘lgandan so‘ng, xaridorlar poyabzalning yuqori qismidagi eskirgan joylarni tuzatish uchun yamoqlarni tanlashi mumkin. Yangi astar va qayta ishlangan dantellar ham taklif etiladi.
“BILL — maqsadli tajriba. Nike mahsulotlarni qayta ishlatish, qayta ishlab chiqish va yangi narsa kashf qilish maqsadida ishlab chiqariladigan o‘zining aylana shaklidagi kelajak texnologiyasini taqdim etadi”, — deydi kompaniya vakillari.
Mavzuga doir:
Izoh (0)