“Barselona” transferlari uchun klublardan 142 million yevro qarz

“Barselona” sotib olgan futbolchilarining pullarini hali to‘liq to‘lamagan.

Catalunya Radio nashrining xabariga ko‘ra, “ko‘k-anorranglilar” Ferran Torres uchun “Manchester Siti”ga 52 million yevro to‘lab berishi lozim.

Kataloniyaliklar vingerni 2022-yilning boshida xarid qilgandi. Uning transfer narxi 55 million yevro edi. Hozircha “Barselona” Torres uchun 3 million yevro to‘ladi.

Shuningdek, Barselona klubi Filippe Koutinyo, Mirolim Pyanich, Serjinyo Dest va Frenki de Yonglarning ham transferi uchun pulni to‘liq to‘lab bermagan.

“Liverpul” 2019-yilda jamoadan ketgan Koutinyo uchun 14 million yevro olishi lozim. Hozirda braziliyalikning transfer huquqi “Aston Villa”ga tegishli. Ingliz klubi “Barselona”ga 10 million yevro to‘lab beradi.

Kataloniyaliklar “Yuventus”dan Mirolim Pyanich uchun 36 million yevro qarz. “Ayaks” esa Frenki de Yong va Serjinyo Dest transferlaridan 40 million yevro atrofida oladi. “Barselona” de Yong uchun 32 million, Dest uchun esa 10 million yevro to‘lab beradi.