Оғир дамларда яхши кўрган инсонини тарк этмаслик ҳақиқий муҳаббат ҳисобланади. The Voice нашри яқин инсонлари оғир касалликка чалинган бўлса ҳам уларни ташлаб қўймаган, янада кўпроқ меҳр берган машҳурлар ҳақида маълумот берди.
Мерил Стрип
Америкалик актриса Мерил Стрип 27 ёшида актёр Жон Казал билан учрашган: ўшанда у эндигина кинодаги карьерасини бошлаган ва машҳур юлдузга айланган эди. Бу севги эди: Жон жуда тез ўз севгилисига турмуш қуриш таклифини берган.
Ишлар яхшиланди: Стрипга иш бўйича таклифлар кела бошлади. Ҳаёт яхшиланаётганга ўхшарди. Бироқ кейин муаммо пайдо бўлди: Казалга ўпка саратони ташхиси қўйилди. Актёр севгилиси Австралияга суратга олиш учун боришини таъкидлаб, ҳаммаси яхши бўлишини ваъда қилди. Бироқ Мерил бир неча ойдан кейин қайтиб келганида, Жон ётиб қолган эди. Ўша пайтда актрисага бирин-кетин суратга олиш ишлари бўйича таклифлар тушди, лекин у ҳамма нарсадан воз кечди ва турмуш ўртоғига қарай бошлади. Бироқ афсуски, уни сақлаб қолишнинг иложи бўлмади.
Пол Маккартни
Пол Маккартни ва Линда Eastманнинг никоҳи энг узоқ ва бахтли турмуш бўлиши мумкин эди. Жуфтлик бирга яшаган ҳаёти давомида бир марта, атиги бир ҳафтага ажрашган. Улар болаларини тарбиялади, ўз фермасида яшаб, бирга қаришни режалаштирди. Бироқ 1995 йилда Линдага кўкрак бези саратони ташхиси қўйилди. Пол, иложи борича, турмуш ўртоғининг ҳаёти учун курашди, орадан 3 йил ўтиб кейин у вафот этди. Маккартни севганини тарк этишни хаёлига ҳам келтира олмаганини таъкидлади.
Пирс Броснан
Пирс Броснан ва Кассандра Харрис «Бонд» кастингида учрашишди ва турмуш қуришга қарор қилишди. Актёр севгилисининг фарзандларини асраб олди ва шундан кейин вақт ўтиб уларнинг ўғли дунёга келди. Орадан етти йил ўтгач, жуфтлик муаммога дуч келди — Кассандрага саратон ташхиси қўйилди. Пирс турмуш ўртоғи билан тўрт йил давомида унинг касалликдан тузалиши учун курашди. Броснан ҳамма ишларини ташлаб, севимли аёли учун энг яхшисини қилишга ҳаракат қилди. Бироқ уринишлар бесамар кетди: 1991 йилнинг 28 декабрда актриса вафот этди. Маълумот учун, Кассандра Кристиннинг қизи ҳам 2013 йилда худди шу ташхисдан вафот этган.
Мавзуга доир:
- Ташқи кўриниши бир хил: ҳамма доим бир-бири билан адаштирадиган машҳурлар (фото)
- Ота-онаси уларни қўллаб-қувватлаш учун қўлидан келган ҳамма нарсани қилган машҳурлар (фото)
- Ажойиб суратлар: Анжелина Жоли, Жони Депп, Киану Ривз ва бошқа машҳурлар биринчи ролини ижро этганда қандай кўринишда бўлган?
- Кейт Уинслет, Эмма Уотсон, Жонни Депп ва мухлисларига яхшилик қилиши билан эътиборга тушган бошқа машҳурлар
Изоҳ (0)