Yaponiyaning Vladivostokdagi konsulxonasi xodimi Rossiya qonunchiligini buzishda ayblanib, hibsga olingani haqida xabar berilgandi. Yaponiya Tashqi ishlar vazirligi Rossiya elchisi Mixail Galuzinni chaqirib, konsulning hibsga olinishi munosabati bilan unga norozilik bildirdi. Vazirlik rahbari Yosimasa Xayasi diplomat noqonuniy xatti-harakatlar qilmaganini aytib, Moskvadan rasmiy uzr talab qildi. Yaponiya elchisi hozir ozodlikda, u 28-sentabrgacha Rossiyani tark etishi kerak.
“Yaponiya tashqi ishlar vaziri o‘rinbosari janob Mori Rossiyaning Yaponiyadagi elchisi janob Galuzinni Tashqi ishlar vazirligiga chaqirdi va u yerda keskin norozilik bildirdi, Rossiya tomonidan rasmiy uzr talab qildi. Men Rossiya tomonini Yaponiya tomonining noroziligi va taklifini jiddiy qabul qilishga chaqiraman”, — deyiladi Xayasining bayonotida. Vazir konsulga nisbatan qo‘llanilayotgan majburlov choralari haqida gapirib, hibsga olish holatlarini tanqid qildi.
Rossiya Federal xavfsizlik xizmati ma’lumotlariga ko‘ra, 26-sentabr kuni Yaponiya elchisi “pul evaziga Rossiyaning Osiyo-Tinch okeani mintaqasi davlatlaridan biri bilan hamkorligining dolzarb jihatlari, G‘arb sanksiyalarining Primorsk o‘lkasidagi iqtisodiy vaziyatga ta’siri to‘g‘risidagi maxfiy ma’lumotni olayotganda” hibsga olingan.
Yaponiya vakili persona non grata deb e’lon qilindi. U ikki kun ichida Rossiyani tark etishi kerak.
Izoh (0)