30-sentabr kuni Moskvada Mustaqil davlatlar hamdo‘stligi (MDH) mamlakatlari xavfsizlik organlari va razvedka xizmatlari rahbarlari majlisi bo‘lib o‘tadi. Bu haqda Rossiya Tashqi razvedka xizmati ma’lum qildi.
Tadbirda Rossiya vakillaridan tashqari, Ozarbayjon, Armaniston, Belarus, Qozog‘iston, Qirg‘iziston, Tojikiston va O‘zbekiston delegatsiyalari ishtirok etadi. Yig‘ilish razvedka faoliyati masalalari bo‘yicha bo‘lib o‘tadi.
Uchrashuv doirasida Rossiya prezidenti Vladimir Putin MDH mamlakatlari razvedka xizmatlari rahbarlariga videoaloqa orqali murojaat qilishi kutilmoqda. Rossiya prezidenti matbuot kotibi Dmitriy Peskovning so‘zlariga ko‘ra, Putin MDH razvedka xizmatlari boshliqlari bilan 29-sentabr kuni muloqot qiladi.
Eslatib o‘tamiz, may oyida Putin Mustaqil davlatlar hamdo‘stligi (MDH)ga Kollektiv xavfsizlik shartnomasi tashkiloti (KXSHT)da kuzatuvchi maqomini taqdim etishni taklif qilgan edi. “Bizning Shanxay hamkorlik tashkiloti va Mustaqil davlatlar hamdo‘stligi bo‘yicha tabiiy sheriklarimiz bilan hamkorlikni kuchaytirishimiz kerak. Masalan, bizning fikrimizcha — buni hali muhokama qilish kerak bo‘ladi — MDH uchun KXSHT huzurida kuzatuvchi maqomini berish o‘rinli va to‘g‘ri bo‘lgan bo‘lardi”, — degan edi u.
Izoh (0)