Toshkentda ilk bor “Zakovat” o‘yinining sport turi bo‘yicha Markaziy Osiyo kubogi musobaqasi bo‘lib o‘tdi (foto)
24-25 sentyabr kunlari Toshkentda ilk bor “Zakovat” o‘yinining sport turi bo‘yicha Markaziy Osiyo kubogi musobaqasi bo‘lib o‘tdi. Musobaqada O‘zbekiston, Qozog‘iston, Qirg‘iziston, Tojikiston va Turkmanistondan 48 ta jamoa ishtirok etdi. Sovrin jamg‘armasi 200 million so‘mni tashkil etdi.
Chempionat Milliy mass-mediani qo‘llab-quvvatlash va rivojlantirish jamoat fondi hamda “Zakovat” nodavlat notijorat tashkiloti hamkorligida tashkil etildi.
Toshkent Botanika bog‘i musobaqalar o‘tkaziladigan sport maydonchasiga aylandi. Bu yerda kubokni yuqori saviyada o‘tkazish, ishtirokchilarning dam olish paytlarida qulaylik yaratish uchun barcha zarur sharoitlar yaratildi.
Har bir mamlakatdan milliy terma jamoalar bilan bir qatorda eng nomdor jamoalar bilan ham ishtirok etdi. Masalan, 2019 yilda intellektual o‘yinlar bo‘yicha mamlakat chempioni bo‘lgan “Monopoliya” jamoasi o‘yinchilari Qirg‘iziston kubogi uchun kurash olib borishdi. Qozog‘istondan – amaldagi vise-chempionlar (2019), shuningdek, Markaziy Osiyo ligasining ikkinchi mavsumi chempioni “Erudit” jamoasi kurashdi. Jumladan, Tojikiston vakili sifatida ikki karra vise-chempion “Avesta” jamoasi qizg‘in bahslarda ishtiokchisi bo‘ldi. O‘zbekiston terma jamoalari orasida ham yulduzlar ko‘p. Ulardan biri bu yil “Zakovat” bo‘yicha mamlakat chempionligini qo‘lga kiritgan va jahon chempionatida respublikamiz nomidan zakovat yuritgan “Nima? Qayerda? Qachon?" jamoasi bo‘ldi.
Musobaqaning birinchi kunida “Erudit kvinteti” saralash o‘yinlari, “Breyn ring”ning chorak va yarim final o‘yinlari, shuningdek, “Zakovat” o‘yinining ikki turi o‘tkazildi.
Ikkinchi kuni “Erudit kvinteti”ning yarim final va finali, “Zakovat”ning uchinchi, to‘rtinchi va beshinchi bosqichlari hamda “Breyn ring” finali bo‘lib o‘tdi va yakuniy g‘oliblarni aniqladi.
Chempionat yorqin shou-dastur bilan yakunlandi, uning har bir chiqishi Markaziy Osiyo xalqlari madaniyati simbioziga asoslangan.
Ko‘tarinki a’lo kayfiyat ruhida g‘oliblarni taqdirlash marosimi bo‘lib o‘tdi.
Uchinchi o‘rinni “Misteriya” jamoasi egallab, 40 million so‘m sovrindoriga aylandi. Mukofotni O‘zbekiston Milliy axborot agentligi direktori o‘rinbosari Xushnudbek Xudoyberdiyev topshirdi.
Ikkinchi o‘rinni O‘zbekistonning “Biz” jamoasi (O‘zbekiston) qo‘lga kiritdi. Ularga 60 million so‘m pul mukofotini Milliy mass-mediani qo‘llab-quvvatlash va rivojlantirish jamoatchilik fondi direktori Nozima Davletova topshirdi.
Musobaqa g‘oliblari – Qozog‘istonning “Oddiy mehnatkashlar” jamoasiga “Zakovat” intellektual harakat prezidenti Abdurasul Abdullayev tomonidan 100 million so‘m miqdoridagi birinchi o‘rin mukofoti topshirildi.
Bosh sovrin – Kubok uchun bahs oldidan yana bir “rejadan tashqari” jamoa – KVN afsonasi “Azia miks” jamoasining maftunkor chiqishi bo‘ldi.
Bosh sovrin – Kubok uchun kechgan bahsda O‘zbekiston va Qozog‘iston terma jamoalari zukkolar bahsida to‘qnash kelishdi.Birinchi turda 5 ochkogacha O‘zbekiston peshqadamlik qildi. Biroq keyin qozog‘istonlik o‘yinchilar 2 ochkoni qo‘lga kiritishdi. Shunday bo‘lsada keyingi savolda bizning terma jamoa g‘alabani qo‘lga kiritishdi.
Ikkinchi turda jamoalar teng bo‘lishdi. Biroq ustunlik mehmonlar tomonga o‘tdi va hisob 1:1 bo‘ldi. Hal qiluvchi uchinchi turda Qozog‘iston jamoasi g‘oliblikka to‘laqonli haqli bo‘lishdi.
Markaziy Osiyo g‘oliblariga Kubokni O‘zbekiston Respublikasi Prezidenti Administrasiyasi rahbari o‘rinbosari Komil Allamjonov topshirdi.
Ma’lumot uchun: Zakovat kubogi yuqoriga intilayotgan beshta oltin nur ustunini ifodalaydi. Har bir ustun ishtirokchi mamlakat ramzi bo‘lib, nurlar azaldan bunyodkorlik qudrati, ma’naviy ma’rifat va bunyodkorlik quvvati ramzini bildiradi.
