Президент матбуот котиби Шерзод Асадов иштирокида 26 сентябрь куни ўтказилган брифингда президент Шавкат Мирзиёевнинг ҳафталик иш графики ҳақида маълумот берилди. Бу ҳақда «Дарё» мухбири хабар берди.
Шерзод Асадовнинг айтишича, бошланган ҳафтада давлат раҳбарининг иш жадвалларидан Ўзбекистоннинг иқтисодий ва ижтимоий ривожига бағишланаган қатор муҳокамаларни ўтказиш режалаштирилган.
«Жумладан, улардан алоҳида аҳамиятга эга қуйидагиларни айтиб ўтмоқчиман. Бугун электротехника саноатидаги истиқболли йўналишлар ҳамда келгусидаги асосий вазифалар юзасидан соҳа раҳбарлари ва масъулларининг президентимизга ҳисоботлари режалаштирилган», — дейди Президент матбуот котиби.
Шунингдек, Шавкат Мирзиёев иштирокларида республикамиздаги архитектура қурилиш олийгоҳлари трансформациясини жадаллаштириш чора-тадбирлари юзасидан тақдимотлар ўтказиш кўзда тутилган.
Бундан ташқари ҳафта давомида президентнинг Жаҳон банки вице-президенти Анна Берде билан учрашуви бўлиб ўтади.
Изоҳ (2)
ўзбекистонда катта лойиҳаларни амалга ошириш учун жуда катта имкониятлар бор. Фақат бунга инвестиция керак. Жаҳон банки пул тикса зўр бўлади.
Жаҳон банки Ўзбекистонга инветиция киритишга қизиқади. Чунки Ўзбекистонда яхши потенциал бор.