Belarus Vazirlar Kengashi 23-sentabrdan boshlab respublikadan 250 dan ortiq turdagi sanoat tovarlarini olib chiqishni yarim yilga taqiqladi. Bu haqdagi qaror milliy huquqiy portalda e’lon qilindi.
Eksporti taqiqlangan tovarlar ro‘yxatiga, xususan, avtomobillar, mototsikllar, velosipedlar, samolyot, tibbiyot buyumlari, temir yo‘l lokomotivlari, vagonlar, traktorlar, turli asbob-uskunalar, gaz generatorlari, isitish uskunalari, yadro reaktorlari, buldozerlar, qishloq va o‘rmon xo‘jaligi texnikasi, kompyuterlar, batareyalar, changyutgichlar, telefonlar, shu jumladan smartfonlar, elektr jihozlari va boshqalar kiradi.
Taqiq Monopoliyaga qarshi tartibga solish va savdo vazirligi tomonidan berilgan bir martalik litsenziyalar bo‘yicha Belarusdan tashqariga eksport qilinadigan tovarlarga nisbatan qo‘llanilmaydi.
Vazirlar Kengashining qarorida, shuningdek, Belarusdan sanoat tovarlarini eksport qilish taqiqi qo‘llanilmaydigan bir qator shartlar belgilangan.
Izoh (0)