Беларусь Вазирлар Кенгаши 23 сентябрдан бошлаб республикадан 250 дан ортиқ турдаги саноат товарларини олиб чиқишни ярим йилга тақиқлади. Бу ҳақдаги қарор миллий ҳуқуқий порталда эълон қилинди.
Экспорти тақиқланган товарлар рўйхатига, хусусан, автомобиллар, мотоцикллар, велосипедлар, самолёт, тиббиёт буюмлари, темир йўл локомотивлари, вагонлар, тракторлар, турли асбоб-ускуналар, газ генераторлари, иситиш ускуналари, ядро реакторлари, бульдозерлар, қишлоқ ва ўрмон хўжалиги техникаси, компьютерлар, батареялар, чангютгичлар, телефонлар, шу жумладан смартфонлар, электр жиҳозлари ва бошқалар киради.
Тақиқ Монополияга қарши тартибга солиш ва савдо вазирлиги томонидан берилган бир марталик лицензиялар бўйича Беларусдан ташқарига экспорт қилинадиган товарларга нисбатан қўлланилмайди.
Вазирлар Кенгашининг қарорида, шунингдек, Беларусдан саноат товарларини экспорт қилиш тақиқи қўлланилмайдиган бир қатор шартлар белгиланган.
Изоҳ (0)