21-sentabr kuni Rossiya va Ukraina o‘rtasida keng ko‘lamda asirlar almashinuvi bo‘lib o‘tdi: Kiyev Moskvaga siyosatchi Viktor Medvedchuk (OAV uni “Putinning qadrdoni” deb ataydi) va 55 nafar rossiyalik harbiyni, Moskva esa Kiyevga 215 nafar harbiyni, jumladan “Azov” polkining jangchilarini topshirdi. Ukraina tomonida jang qilgan va asirga olingan 10 nafar xorijlik ham qaytarildi (ulardan ayrimlari DXRda o‘limga hukm qilingan edi).
Rossiyada Vladimir Putin safarbarlik e’lon qildi, bu Rossiya shaharlarida ommaviy norozilik namoyishlariga sabab bo‘ldi. Ular zo‘ravonlik bilan bostirildi — 39 ta shaharda 1300 dan ortiq odam hibsga olindi. Shu bilan birga, safarbarlikka qarshi norozilik namoyishlarida qo‘lga olingan odamlarga Moskva politsiya bo‘limlarida harbiy xizmatga chaqiruv qog‘ozlari topshirildi. Ukraina bosh vazirining o‘rinbosari rossiyalik harbiylarni taslim bo‘lishga chaqirdi va ular “o‘zlari istamasa” Rossiyaga qaytarilmasligini va’da qildi. Meduza urushning 210-kuniga oid asosiy suratlarni e’lon qildi.
Kunning eng sara suratlari. Asirlar almashinuvidan keyin “Azovstal” himoyachilari Anqarada
“Azov” polki komandiri Denis Prokopenko, 36-alohida dengiz piyodalari brigadasi komandiri Sergey Volinskiy, “Azov” polki komandirining o‘rinbosari Svyatoslav Palamar, Ukrainaning 12-chi tezkor gvardiyasi qo‘mondoni Denis Shlega va “Azov”ning yuqori martabali ofitserlaridan biri Oleg Xomenko asirlar almashinuvidan so‘ng Ukraina prezidenti Vladimir Zelenskiy bilan video aloqa orqali suhbatlashmoqda. Besh ofitser hozir Turkiyada (Anqarada) va almashish shartlariga ko‘ra, urush tugagunga qadar Turkiya prezidenti Erdo‘g‘on homiyligida bo‘lishi kerak.Foto: Reuters
Svyatoslav Palamar asirlikdan ozod etilganidan keyin mobil telefonda gaplashmoqda.Foto: Reuters
Lisichanskda “referendum” uchun tashviqot
Ukrainaning Lugansk viloyatini Rossiya tarkibiga kiritish bo‘yicha “referendum” haqidagi tashviqot bannerlarini ilayotgan ishchilar. Ukrainaning bosib olingan hududlarida ushbu masala bo‘yicha “referendum” 23—27 sentabr kunlari bo‘lib o‘tadi. Lisichansk 2022-yilning iyul oyida rus qo‘shinlari tomonidan bosib olingan va hozirda Rossiya nazorati ostida.Foto: Reuters
Xarkovdagi yuk terminaliga berilgan zarba oqibatlari
Xarkov g‘arbidagi temiryo‘l stansiyasining o‘qqa tutilishi oqibatida majaqlangan vagon. Rossiya tomoni Ukraina armiyasi ehtiyojlari uchun dvigatel moyi solingan poyezd bombalanganini ma’lum qildi.Foto: AFP
Ukraina harbiylari raketa zarbasidan qolgan o‘raning tubini tekshirmoqda.Foto: “Ukrinform”
Xarkov viloyatining ozod qilingan shaharlarida hayot
Mahalliy aholi vakili Aleksandr janglarda vayron qilinib, yashashga yaroqsiz holga kelgan uyi yonidagi majaqlangan rus tankiga qarab turibdi. Bu hudud Izyum shahri yaqinida joylashgan. Shahar sentabr oyida Ukraina Qurolli kuchlarining Xarkov viloyatidagi qarshi hujumi paytida ozod qilingan.Foto: AP Photo
Svetlana va Yelena Svetlananing turmush o‘rtog‘i ko‘milgan qabrga qaramoqda, erkak o‘z bog‘idagi otishmada halok bo‘lgan. Xarkov viloyati, Zaliman qishlog‘i.Foto: Reuters
Zaliman qishlog‘iga qaytib kelayotgan aholi buzilgan ko‘prik ustidan o‘tmoqda.Foto: Reuters
Zaliman qishlog‘iga qaytgan Svetlana qo‘shnilari bilan quchoqlashib ko‘rishmoqda. Qishloq bahor va yozda shiddatli janglar maydoniga aylangandi, ammo Ukraina Qurolli Kuchlarining qarshi hujumidan so‘ng, qishloq front ortida qoldi.Foto: Reuters
Izyum shahrida gumanitar yordam uchun navbat. Shahar apreldan sentabrgacha Rossiya qo‘shinlari tomonidan ishg‘ol qilingan.Foto: Getty Images
Zaporojye viloyatidagi Ukraina pozitsiyalari
Frontdago okopda Ukrainalik askar planshetga qaramoqda. Aynan Zaporojye viloyatida Ukrainaning navbatdagi hujumi bo‘lishi mumkin, deb taxmin qilinmoqda.Foto: Reuters
Izoh (0)