Boks bo‘yicha super o‘rta vazn toifasi mutlaq chempioni Saul Alvares (57-2-2, 39 KO) va Gennadiy Golovkin (42-1-1, 37 KO) 18-sentabr tongida ringga chiqadi.
Ular o‘rtasidagi jang Las-Vegasdagi (AQSH, Nevada shtati) T-Mobile arenasida bo‘lib o‘tadi.
Boks oqshomi O‘zbekiston vaqti bilan 05:00 da boshlanadi. Alvares va Golovkin o‘rtasidagi jang esa 08:00 dan keyin boshlanishi reja qilingan.
Boks oqshomi O‘zbekiston telekanallari orqali olib berilmaydi. Janglar DAZN platformasida va “Qazsport” telekanalida jonli efirga uzatiladi.
Bu ular o‘rtasidagi uchinchi jang hisoblanadi. “Kanelo” va Golovkin o‘rtasidagi dastlabki jang 2017-yil 16-sentabrida tashkil etilgan, unda durang qayd etilgan. Ikkinchi jang esa 2018-yil 15-sentabrda bo‘lib o‘tgan. Unda meksikalikning qo‘li baland kelgan.
“Kanelo” so‘nggi jangini 8-may kuni og‘ir vazn toifasida WBO kamari sohibi Dmitriy Bivolga (20-0, 11 KO) qarshi o‘tkazib, mag‘lub bo‘lgandi.
“GGG” esa 9-aprel kuni WBA chempioni yaponiyalik Riota Murata (16-2, 13 KO) bilan birlashtiruvchi jangda ringga ko‘tarilgan. Jangda qozog‘istonlik bokschi ustunlikka ega bo‘lgan va 9-raundda texnik nokaut evaziga g‘alaba qozongan.
Izoh (0)