Fransiyaning “Pari Sen-Jermen” klubi bosh murabbiyi Luis Enrike parijliklar rahbariyatidan “Real Madrid” yarim himoyachisi Eduardo Kamavinga transferini so‘radi. Bu haqda Ispaniyaning Marca nashri xabar berdi.
Manbaga ko‘ra, ispaniyalik mutaxassis Kamavingani “PSJ” yarim himoya chizig‘ini mustahkamlash uchun asosiy nomzod sifatida ko‘rmoqda. Enrikening fikricha, fransuz futbolchisi parijliklarning barqaror o‘yin namoyish etishga yordam beradi.
Shu bilan birga, “Real” klubi rahbariyati Kamavinganing sog‘lig‘i bilan bog‘liq holatlardan xavotirda. O‘tgan mavsumda futbolchi to‘rtta turli xildagi jarohat oldi va jami 159 kunni tiklanishga sarfladi. Shu bois, agar “PSJ” “rad etib bo‘lmas” taklif jo‘natsa, “qirollik klubi” Kamavinganing kelajagini muhokama qilib ko‘radi.
Ma’lumot uchun, Kamavinga 2021-yildan beri “Real Madrid” sharafini himoya qilib keladi. Uning “qaymoqranglilar” bilan amaldagi shartnomasi 2029-yilning iyuniga qadar mo‘ljallangan. O‘tgan mavsumda 21 yoshli futbolchi barcha musobaqalar doirasida 35 ta o‘yinda qatnashib, o‘z hisobiga 2 ta gol va 2 ta golli uzatma yozdirib qo‘ygan.
Izoh (0)