Futbol bo‘yicha O‘zbekiston Superligasining 19-turida “Surxon” 17-sentabr, shanba kuni “Lokomotiv” bilan bahs olib bordi.
Uchrashuvning 18-daqiqasida Ruben Sanches hisobni ochdi. Oradan 3 daqiqa o‘tgach, Mo‘minjon Meliyev muvozanatni tikladi. Birinchi bo‘lim so‘ngida Abdulaziz Yusupov penaltidan unumli foydalanib, “Surxon”ni hisobda oldinga olib chiqdi. Ikkinchi bo‘limda darvozalar ishg‘ol etilmadi. Shu tariqa surxonliklar o‘z tarixida ilk bor “temiryo‘lchilar”ni mag‘lub etdi.
Ushbu g‘alabadan so‘ng “Surxon” ochkolari sonini 16 taga yetkazib, 13-o‘rindan joy oldi. “Lokomotiv” esa 19 ochko bilan 11-pog‘onani band etdi.
Superliga
19-tur bahsi
17-sentabr, shanba
“Surxon” — “Lokomotiv” 2:1
Gollar: 1:0 — 18 Ruben Sanches, 1:1 — 21 Mo‘minjon Meliyev, 2:1 — 40 Abdulaziz Yusupov (penalti).“Surxon”: 13. Azizxon Isaqov, 2. Zoir Jo‘raboyev, 3. Bobirjon Akbarov, 4. Javohir Sohibov, 7. Islom Toshpo‘latov (99. Kamron Saydazimov, 87) 10. Murodbek Bobojonov (11. Luis Migel, 65), 14. Ruben Sanches Peres, 19. Nuriddin Hasanov, 23. Abdulaziz Yusupov (6. Jahongir Ahmadov, 80), 26. Ulug‘bek Abdullayev, 66. Behruz Shaydulov.
“Lokomotiv”: 1. Abdumavlon Abdujalilov, 3. Islom Qobilov, 4. Dilshodjon Komilov, 6. Alisher Salimov (20. Jaloliddin Jumaboyev, 70), 8. Nurmuhammad Toshpo‘latov (21. G‘ulom-Haydar G‘ulomov, 66), 10. Jasurbek Jaloliddinov, 17. Sanjar Qodirqulov (18. Ali Abdurahmonov, 85), 19. Etame Jerome (9. Javohir Alijonov, 70), 22. Manuchehr Safarov, 25. Mo‘minjon Meliyev, 98. Ma’ruf Jumayev (77. Ivan Nagaev, 66).
Ogohlantirishlar: Javohir Sohibov (4), Islom Qobilov (4), Nuriddin Hasanov (53), Zoir Jo‘raboyev (67), Jahongir Ahmadov (90+2).
Izoh (0)