16-sentabr kuni Samarqanddagi Kongress markazida Shanxay hamkorlik tashkilotiga a’zo mamlakatlar davlat rahbarlarining tor doiradagi uchrashuvi boshlandi.
Dastlab Shavkat Mirziyoyev SHHT Davlat rahbarlari kengashining tor doiradagi uchrashuvi ishtirokchilarini kutib oldi va yetakchilar birgalikda suratga tushdi.
Uchrashuv avvalida prezident Samarqandda bo‘lib o‘tayotgan ushbu tadbir tarixiy voqea ekanini ta’kidladi. “Bizning sammitimiz, shubhasiz, tarixiy voqeadir. Bu, avvalo, pandemiya sinovlaridan so‘ng tashkilot taqdiri, umuman, SHHT mamalakatlari kelajagini belgilovchi qo‘shma qarorlar qabul qilish imkoniyatini beruvchi uzoq kutilgan yuzma-yuz uchrashuvdir”, — dedi u.
Davlat rahbari nutqidan so‘ng SHHTga a’zo davlatlar rahbarlarining tor doiradagi uchrashuvi boshlandi. Shavkat Mirziyoyevning so‘zlariga ko‘ra, ushbu tadbir doirasida 40 dan ortiq xalqaro kelishuvlar imzolanishi ko‘zda tutilgan.
Izoh (0)