Fransiya politsiyasi Pol Pogbaning akasini tovlamachilik aybi bilan qo‘lga oldi.
15-sentabr kuni Matia Pogba va yana uch kishi Parij chekkasidagi Nanter yaqinida politsiya tomonidan ushlangan.
Avvalroq “Yuventus” futbolchisi uyushgan jinoiy guruh tomonidan tovlamachilik va tahdidlar qurboni bo‘lganini ma’lum qilgandi. Ushbu jinoiy guruhga kiruvchi akasi Matia Pogba Poldan shantaj yo‘li bilan 13 million yevroga yaqin pul undirmoqchi bo‘lganligi xabar qilingandi.
Xavbek 16-iyul kuni Turin prokuraturasiga ariza bilan murojaat qilgan. O‘tgan oydagi dastlabki tergovdan so‘ng Parij prokuraturasi hozircha shaxsi noma’lum insonga nisbatan “qurolli to‘da tomonidan shantaj qilish, odam o‘g‘irlash va jinoiy fitnada ishtirok etish” kabi ayblovlarni ko‘rib chiqayotganini ma’lum qilgan.
Izoh (0)