Франция полицияси Пол Погбанинг акасини товламачилик айби билан қўлга олди.
15 сентябрь куни Матиа Погба ва яна уч киши Париж чеккасидаги Нантер яқинида полиция томонидан ушланган.
Аввалроқ «Ювентус» футболчиси уюшган жиноий гуруҳ томонидан товламачилик ва таҳдидлар қурбони бўлганини маълум қилганди. Ушбу жиноий гуруҳга кирувчи акаси Матиа Погба Полдан шантаж йўли билан 13 миллион еврога яқин пул ундирмоқчи бўлганлиги хабар қилинганди.
Хавбек 16 июль куни Турин прокуратурасига ариза билан мурожаат қилган. Ўтган ойдаги дастлабки терговдан сўнг Париж прокуратураси ҳозирча шахси номаълум инсонга нисбатан «қуролли тўда томонидан шантаж қилиш, одам ўғирлаш ва жиноий фитнада иштирок этиш» каби айбловларни кўриб чиқаётганини маълум қилган.
Изоҳ (0)