Joriy yil 24-sentabridan boshlab Namangan xalqaro aeroportidan Dubay—Namangan—Dubay yo‘nalishida muntazam aviaqatnovlar yo‘lga qo‘yiladi. Bu haqda “Daryo”ga aeroport ma’muriyati ma’lum qildi.

Aviaqatnovlar Flydubai aviakompaniyasining Boeing-737 havo kemasida amalga oshiriladi.

Qayd etilishicha, Dubay—Namangan yo‘nalishidagi parvozlar haftaning chorshanba va shanba kunlari, Namangan—Dubay yo‘nalishidagi aviaqatnovlar esa payshanba va yakshanba kunlari amalga oshirilishi rejalashtirilgan.

Ma’lumot uchun, bugungi kunda Flydubai aviakompaniyasi Toshkent va Samarqand shaharlariga muntazam aviaqatnovlarni amalga oshirib kelmoqda. Endi ularning qatoriga Namangan ham qo‘shiladi.

Mavzuga doir: Jazeera Airways Namangan—Kuvayt—Namangan yo‘nalishida doimiy reyslarni yo‘lga qo‘yishni rejalashtirmoqda