Жорий йил 24 сентябридан бошлаб Наманган халқаро аэропортидан Дубай—Наманган—Дубай йўналишида мунтазам авиақатновлар йўлга қўйилади. Бу ҳақда «Дарё»га аэропорт маъмурияти маълум қилди.
Авиақатновлар Flydubai авиакомпаниясининг Boeing-737 ҳаво кемасида амалга оширилади.
Қайд этилишича, Дубай—Наманган йўналишидаги парвозлар ҳафтанинг чоршанба ва шанба кунлари, Наманган—Дубай йўналишидаги авиақатновлар эса пайшанба ва якшанба кунлари амалга оширилиши режалаштирилган.
Маълумот учун, бугунги кунда Flydubai авиакомпанияси Тошкент ва Самарқанд шаҳарларига мунтазам авиақатновларни амалга ошириб келмоқда. Энди уларнинг қаторига Наманган ҳам қўшилади.
Мавзуга доир: Jazeera Airways Наманган—Кувайт—Наманган йўналишида доимий рейсларни йўлга қўйишни режалаштирмоқда
Изоҳ (0)