Toshkent viloyatida 2022-yilning yanvar—avgust oylari mobaynida 35 mingga yaqin piyodalar qoida buzganligi uchun jarimaga tortildi. Bu haqda viloyat Yo‘l harakati xavfsizligi boshqarmasi xabar qildi.
Qayd etilishicha, hududda piyodalar ishtirokida yo‘l-transport hodisalarini oldini olish maqsadida olib borilayotgan profilaktik suhbatlar bilan bir qatorda avtomobil yo‘llarida qoidabuzarlik sodir etayotgan piyodalarga choralar ko‘rilmoqda. O‘tgan 8 oy mobaynida 34 898 nafar piyodaga yo‘l harakati qoidalarini buzgani uchun ma’muriy bayonnomalar rasmiylashtirilgan.
Ma’muriy javobgarlik to‘g‘risidagi kodeksning 138-moddasi: piyodalar tomonidan yo‘l harakati qoidalarining buzilishi bazaviy hisoblash miqdorining uchdan bir qismi miqdorida (hozirgi kunda 100 ming so‘m) jarima solishga sabab bo‘ladi.
Izoh (0)