Toshkent rossiyaliklar uchun tranzit markaziga aylanishi kutilmoqda

O‘zbekiston Ural federal okrugi va Rossiya bo‘ylab sayohatchilar uchun Istanbul o‘rnini bosuvchi yangi tranzit markaziga aylanishi mumkin. Bu haqda “TASS” agentligiga O‘zbekistonning Yekaterinburgdagi bosh konsuli Abdusalom Xatamov ma’lum qildi.

O‘zbekiston rossiyalik sayyohlar uchun ham eng mashhur dam olish maskanlaridan biriga, ham Istanbul o‘rnini bosuvchi yangi tranzit xabga aylanishi mumkin, bu orqali sayohatchilar turli mamlakatlarga uchishga odatlangan, — deydi u. 

Xatamovning so‘zlariga ko‘ra, ayni paytda Uralning Yekaterinburg, Chelyabinsk va Tyumen shaharlaridan O‘zbekistonning Buxoro, Navoiy, Samarqand, Toshkent va Namangan shaharlariga to‘g‘ridan to‘g‘ri reyslar amalga oshirilmoqda. 

Bundan tashqari, Nijnevartovsk va Farg‘ona o‘rtasida to‘g‘ridan to‘g‘ri aviaqatnovlarni ochish masalasi ham faol ishlab chiqilmoqda.

Bosh konsulning ta’kidlashicha, 2021-yil boshiga ko‘ra, Ural federal okrugidagi O‘zbekiston fuqarolari soni 215 ming kishidan ortiqni tashkil qilgan. 

Hozirda bu ko‘rsatkich o‘zgarmadi, chunki Uralda vaqtinchalik mehnat faoliyati bilan shug‘ullanuvchi O‘zbekiston fuqarolarining kuchli oqimi kuzatilmayapti.

Avvalroq O‘zbekiston yoz oylarida rossiyalik turistlar uchun eng ommabop davlatlardan biri bo‘layotgani haqida xabar berilgan edi.