Ўзбекистон Урал федерал округи ва Россия бўйлаб саёҳатчилар учун Истанбул ўрнини босувчи янги транзит марказига айланиши мумкин. Бу ҳақда «ТАСС» агентлигига Ўзбекистоннинг Екатеринбургдаги бош консули Абдусалом Хатамов маълум қилди.
Ўзбекистон россиялик сайёҳлар учун ҳам энг машҳур дам олиш масканларидан бирига, ҳам Истанбул ўрнини босувчи янги транзит хабга айланиши мумкин, бу орқали саёҳатчилар турли мамлакатларга учишга одатланган, — дейди у.
Хатамовнинг сўзларига кўра, айни пайтда Уралнинг Екатеринбург, Челябинск ва Тюмен шаҳарларидан Ўзбекистоннинг Бухоро, Навоий, Самарқанд, Тошкент ва Наманган шаҳарларига тўғридан-тўғри рейслар амалга оширилмоқда.
Бундан ташқари, Нижневартовск ва Фарғона ўртасида тўғридан-тўғри авиақатновларни очиш масаласи ҳам фаол ишлаб чиқилмоқда.
Бош консулнинг таъкидлашича, 2021 йил бошига кўра, Урал федерал округидаги Ўзбекистон фуқаролари сони 215 минг кишидан ортиқни ташкил қилган.
Ҳозирда бу кўрсаткич ўзгармади, чунки Уралда вақтинчалик меҳнат фаолияти билан шуғулланувчи Ўзбекистон фуқароларининг кучли оқими кузатилмаяпти.
Аввалроқ Ўзбекистон ёз ойларида россиялик туристлар учун энг оммабоп давлатлардан бири бўлаётгани ҳақида хабар берилган эди.
Изоҳ (0)