Toshkent shahri, Mirobod tumanidagi ofis binosi kimoshdiga qo‘yildi. Lot ma’lumotlari “E-auksion” portalida e’lon qilingan.
Lot auksionga “O‘zbektelekom” buyurtmasi asosida joylashtirilgan.
Yer uchastkasining umumiy maydoni — 0,17 gektar. Binoning maydoni — 7237 kvadrat metr. Unda gaz, suv, elektr ta’minoti va kanalizatsiya tizimi mavjud.
Lot izohida yozilishicha, bino chordoqdan tashqari 5 qavatdan iborat. Shuningdek, unda texnik yerto‘la va mansarda mavjud. Binoda NAPP va Uzmobile ofislari, bir qancha do‘konlar joylashgan.
Auksionga qo‘yilgan binoning boshlang‘ich bahosi — 111,8 mlrd so‘m. Arizalar 10-oktabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi qarzdor oila yashovchi hovli MIB tomonidan 2 mlrd so‘mga auksionga qo‘yilgani haqida xabar berilgan edi.
Izoh (0)