AQSHning Tennesi shtati Memfis shahrida politsiya ko‘chada odamlarga qarata o‘q uzgan afroamerikalikni qo‘lga oldi.
19 yoshli Esekel Kelli shahar bo‘ylab avtomobil haydash davomida duch kelgan odamga qarata o‘t ochgan va o‘z harakatlari aks etgan videolarni Facebook’dagi sahifasiga joylagan.
Hodisada qurbonlar bor-yo‘qligi hozircha noma’lum. Memfis politsiyasi 7-sentabr kuni kechqurun hujumchini hibsga oldi, u otishma faktlari bo‘yicha tergov qilinadi.
Kelli otishmalarni Memfis universiteti kampus yaqinida sodir etgan. Universitet rahbariyati talabalardan ko‘chaga chiqmaslikni so‘ragan. Kelli hibsga olinishdan oldin yonilg‘i quyish shoxobchasidan mashina ham o‘g‘irlagan.
So‘nggi haftalarda Memfis shahrida bir nechta shov-shuvli qotilliklar sodir etildi, jumladan, avtomashina o‘g‘rilari tomonidan ruhoniyning joniga qasd qilingan, pul ustida janjal paytida mahalliy faollardan biri o‘ldirilgan.
Izoh (0)