Kanada qirollik otliq politsiyasi Saskachevan provinsiyasida hindular rezervatsiyasiga pichoq bilan hujumda gumonlanayotgan ikkinchi shaxsni qo‘lga oldi, deb yozadi “Kommersant”. Avvalroq birinchi gumonlanuvchi o‘lik holda topilgandi.
Politsiya xabariga ko‘ra, gumonlanuvchi Maylz Sanderson Saskachevan provinsiyasida Rostern shahri yaqinida ushlangan. 5-sentabr kuni politsiya Demiyen Sandersonning jasadini topgan edi, u ham hujum qilganlardan biri deb hisoblanilmoqda. Tanasidagi jarohat izlari uning o‘z-o‘ziga zarar yetkazganidan darak berishi mumkin.
4-sentabr kuni ikki erkak kri hindularining Jeyms Smit rezervatsiyasiga va Ueldon qishlog‘iga hujum qilgan edi. Oqibatda o‘n kishi halok bo‘lib, yana 18 kishi yaralangan. Mahalliy hukumat Jeyms Smit hududida favqulodda vaziyat rejimini e’lon qildi, u 30-sentabrgacha amal qiladi.
Politsiya hujumda aka-uka Maylz va Demiyen Sandersonlarni gumon qilmoqda. Fox News ma’lumotlariga ko‘ra, Maylz Sanderson 59 marta, shu jumladan, o‘g‘irliklar va zo‘ravonlik harakatlari uchun sudlangan, may oyidan buyon u muddatidan oldingi shartli ozod etilish shartlarini buzganlik uchun qidiruvda bo‘lgan.
Tergov ma’lumotlariga ko‘ra, aka-ukalar 13 ta turli joylarda jinoyatlar sodir etgan. Maylz Sanderson o‘smirlik davridan buyon alkogol va narkotiklar bilan bog‘liq muammolari bo‘lgan. 14 yoshidan kokain iste’mol qilishni boshlagan.
Mavzuga doir:
- Braziliya chakalakzorlarida tub qabilalardan birining so‘nggi vakili vafot etdi. U 26 yil butunlay yolg‘iz yashagan
- Amazonkadagi juma qabilasining so‘nggi vakili koronavirusdan vafot etdi
- Braziliyalik oltin qidiruvchilar hech qachon tashqi dunyo bilan aloqada bo‘lmagan qabila hindularining 10 nafarini o‘ldirdi
- Amazoniya hindulari koronavirus sababli qirilib ketishi mumkinligi taxmin qilindi
Izoh (0)