АҚШнинг Теннеси штати Мемфис шаҳрида полиция кўчада одамларга қарата ўқ узган афроамерикаликни қўлга олди.
19 ёшли Эсекел Келли шаҳар бўйлаб автомобиль ҳайдаш давомида дуч келган одамга қарата ўт очган ва ўз ҳаракатлари акс этган видеоларни Facebook’даги саҳифасига жойлаган.
Ҳодисада қурбонлар бор-йўқлиги ҳозирча номаълум. Мемфис полицияси 7 сентябрь куни кечқурун ҳужумчини ҳибсга олди, у отишма фактлари бўйича тергов қилинади.
Келли отишмаларни Мемфис университети кампус яқинида содир этган. Университет раҳбарияти талабалардан кўчага чиқмасликни сўраган. Келли ҳибсга олинишдан олдин ёнилғи қуйиш шохобчасидан машина ҳам ўғирлаган.
Сўнгги ҳафталарда Мемфис шаҳрида бир нечта шов-шувли қотилликлар содир этилди, жумладан, автомашина ўғрилари томонидан руҳонийнинг жонига қасд қилинган, пул устида жанжал пайтида маҳаллий фаоллардан бири ўлдирилган.
Изоҳ (0)