AQSH Minuteman III qit’alararo ballistik raketasini sinovdan o‘tkazdi. Bu haqda ushbu sinovlar o‘tkazilgan Vandenberg aviabazasi matbuot xizmati ma’lum qildi.
Qayd etilishicha, raketa 7-sentabrga o‘tar kechasi kuchli zaryadsiz uchirilgan. Bunday sinovlar qit’alararo ballistik raketalarning muhimligiga ishora qiladi va strategik raqobat davrida hukmronlik uchun kalit hisoblanadi, deydi harbiylar.
Sinovlar boshlanishidan oldin ham Vandenberg harbiy-havo kuchlari bazasi veb-saytida bu kelgusi yillar uchun rejalashtirilgan raketa sinovlaridan biri ekani haqida xabar berilgan edi. Rossiya bu haqda oldindan xabardor qilingan.
Sinovni ishga tushirish dasturining maqsadi AQSH yadroviy kuchlarining tayyorgarligini ko‘rsatish va yadroviy tiyib turuvchi vositalarning samaradorligiga ishonch hosil qilish, deb ta’kidladi AQSH harbiy-havo kuchlari global zarba qo‘mondonligi.
Minuteman III qit’alararo raketasi og‘irligi 36 tonna bo‘lib, yadroviy zaryadni tashishga qodir. U 24 000 km/soatgacha tezlikda ucha oladi.
Izoh (0)