Karlo Anchelotti: “Real” YCHL favoritlari qatorida ko‘rilmayotganidan xursandman

“Real” bosh murabbiyi Karlo Anchelotti jamoasi Chempionlar Ligasi favoriti hisoblanmasligidan xursandligini bildirdi.

Madrid jamoasi 6-sentabr tunida “Seltik”ka qarshi o‘yin bilan musobaqadagi yurishini boshlaydi.

“Seltik”ka qarshi o‘yin haqida

Qiyin o‘yin kutib turibdi. Xuddi biz kabi “Seltik” ham yaxshi natijalar ko‘rsatmoqda, ular juda shiddatli o‘yin ko‘rsatadi. Ularni o‘rgandik va tayyorgarlik ko‘rdik. “Real” guruh bosqichini yaxshi boshlash uchun tayyor.

Chempionlar Ligasida “Real”ni hurmat qilishadi, chunki uning tarixi bunga sabab bo‘ladi. Katta ishtiyoq bilan musobaqani boshlayapmiz, biroq guruh bosqichidan keyin nima bo‘lishini haqida o‘ylamayapmiz. Jahon Chempionatidan keyin nima bo‘lishini ham ko‘ramiz.

“Real” Chempionlar Ligasi favoriti sifatida ko‘rilmayotgani haqida

Hayron qolmadim. Bu yaxshi ishora deb o‘ylayman. O‘tgan yili bizga joriy yildagidan kamroq ishonishgandi. Xuddi ortda qolgan yildagidek oxirigacha kurashamiz. Yana bir bor finalga chiqamiz deb o‘ylayman.

“Real” oson guruhga tushgani haqida

Unday emas. Guruh bosqichidagi barcha jamoalarni yaxshi bilamiz. “Seltik” juda yaxshi jamoa. Ularga xuddi “Leypsig” va “Shaxtyor” kabi hurmat bilan munosabatda bo‘lishimiz zarur. O‘tgan yili “Sherif”ga qarshi o‘yin yodimizda. Guruh bosqichi startida juda ko‘p syurprizlar bo‘lisini bilamiz. Guruhda hamma teng deb o‘ylayman.

Karlo Anchelotti, “Real” bosh murabbiyi