Ўзбекистон бўйича маҳаллалар ўртасида ўтказилган ДХХ кубогида ўзини кўрсатган футболчи Асадбек Аҳмаджонов «ОКМК» клуби билан профессионал шартнома имзолади.
Олмалиқ клуби матбуот хизматининг хабар қилишича, 17 ёшли футболчи билан уч йиллик битим имзоланган.
Аҳмаджонов Тошкент вилоятининг «Дўстлик» МФЙ жамоаси сафида ҳаракат қилди. Унинг жамоаси ДХХ кубоги финалида ғалаба қозониб, биринчи ўринни эгаллади. Асадбек эса мусобақада 10 та гол урган ҳолда тўпурарга айланди.
Қайд этиш керак, мусобақада профессионал футболчилар қатнашмаган. Жамоалар ёш ҳаваскор футболчилардан ташкил топганди.
Изоҳ (0)