“Dinamo” futbolchisi Arsen Zaxaryan ispan top-klublari qiziqish doirasiga tushib qoldi.
Diario Sport nashrining xabariga ko‘ra, 19 yoshli yarim himoyachini “Barselona” klubi kuzatmoqda. 2024-yilda Moskva klubi bilan shartnomasi yakuniga yetadigan futbolchini kataloniyaliklar o‘z safiga qo‘shib olmoqchi.
Shuningdek, Zaxaryanga “Real” ham qiziqish bildirayotgani ta’kidlanmoqda.
Yozgi transfer oynasida “Chelsi” yarim himoyachini sotib olishga harakat qildi. Biroq transfer oynasi yakuniga qadar “Dinamo”ga 15 million yevro o‘tkazib berishning imkonini topa olmadi. Hozircha London klubi futbolchi uchun asosiy da’vogar bo‘lib turibdi.
Arsen joriy mavsum RPLda 7 ta o‘yin o‘tkazib, bitta gol va 2 ta golli uzatmaga mualliflik qildi.
Izoh (0)