Nikolayevda o‘qqa tutilgan kasalxona, Xarkovda aviazarbadan qolgan o‘ra. Urushning 193-kunidan fotoreportaj
4-sentabr kuni Ukraina prezident ofisi rahbarining o‘rinbosari Kirilo Timoshenko Facebook’da Ukraina Qurolli kuchlari askari Xerson viloyatining ozod qilingan Visokopolye posyolkasi ustida Ukraina bayrog‘ini ko‘tarayotgani aks etgan suratni joylashtirdi (uning ozod qilingani haqida rasmiy ma’lumot yo‘q). Xarkov va Nikolayevdagi turar joylar yana bir bor zarbaga uchradi, yaradorlar bor, ammo qurbonlar haqida xabar berilmagan. Rossiya nazoratidagi Energodar hukumati Ukraina raketasi Zaporojye atom elektr stansiyasining energiya blokiga kelib tushganini ma’lum qildi. Melitopol va istelodagi boshqa bir necha aholi punktlarida elektr energiyasi o‘chdi. Meduza urushning 193-kuniga oid asosiy kadrlarni jamladi.
Dnepropetrovsk viloyati
Sergey va uning rafiqasi Alena Zaporojye AESdan 30 kilometr uzoqlikda joylashgan qishlog‘ida yo‘l chetidagi furgonda o‘tiribdi. Dnepropetrovsk viloyatining ko‘plab aholisi o‘zlari yashaydigan shahar-qishloqlarning muntazam bombardimon qilinishidan qo‘rqib mashina yoki chodirlarda tunamoqda.Foto: AP Photo
Nikolayev
Nikolayevdagi tibbiyot markazi xodimlari 4-sentabr kuni shaharning o‘qqa tutilishidan qolgan vayronalarni tozalamoqda. Halok bo‘lganlar va jarohatlanganlar haqida ma’lumot yo‘q, biroq, Ukraina OAVlari ma’lumotlariga ko‘ra, uchta tibbiyot muassasasi va ikkita ta’lim muassasasi, shuningdek, turar joy binolari shikastlangan.Foto: AFP
Nikolayevlik ayol o‘qqa tutilgan shifoxonaga qarab boshini ushlamoqda.Foto: Reuters
Xarkov
Ukrainalik sapyorlar Xarkovda Rossiya aviazarbasidan qolgan o‘rani ko‘zdan kechirmoqda. Shahar ma’muriyati tungi hujumlar oqibatida shaharning ikki aholi punktida jarohatlanganlar borligini ma’lum qildi.Foto: Anadolu
Xarkov aholisi Rossiya aviazarbasi tushgan joyni tomosha qilmoqda.Foto: Anadolu
Ukrainalik sapyorlar shaharga tushgan rus snaryadining parchalarini yig‘moqda.Foto: Anadolu
Xarkovdagi mehmonxona xodimi mushuklari bilan mehmonxonaga ko‘chib o‘tdi. Uning uyi joylashgan tumanlardan biri Rossiya tomonidan doimiy ravishda o‘qqa tutilmoqda, shu sabab u yerda qolish juda xavfli.Foto: ZUMA Press
Xarkovliklar kinoteatrga aylantirilgan avtoturargohda film tomosha qilmoqda.Foto: Anadolu
Donbass shimoli
Ukrainaning “Grad” baravar o‘t ochuvchi raketa tizimini ishga tushirish jarayoni.Foto: Instagram
Donbassdagi old chiziqda Ukraina pozitsiyalaridan “Grad” raketa tizimi orqali o‘t ochilmoqda.Foto: Instagram
Izoh (0)