Hindistonning Moxali (Panjob shtati) shahrida attraksionda avariya yuz berdi, aylanuvchi arg‘imchoq taxminan 15 metr balandlikdan qulab tushdi, deb xabar bermoqda TV9.
Telekanal ma’lumotlariga ko‘ra, 10 ga yaqin kishi jarohatlangan, attraksionda jami 50 ga yaqin odam bo‘lgan. Jabrlanganlar shifoxonaga yotqizilgan, ular orasida kamida uch nafar bola ham bor.
Attraksion “London ko‘prigi” bayram tadbiri doirasida o‘rnatilgan edi.
“Texnik muammo bo‘lganga o‘xshaydi. Biz ilgari ham bir necha festivallar tashkil qilganmiz, ammo bunday hodisa yuz bermagan”, — deya tashkilotchi Sanni Singxning so‘zlarini keltirdi Hindustan Times xabarida.
Politsiya voqea bo‘yicha tergov boshladi.
Mavzuga doir: Germaniyadagi Legoland ko‘ngilochar bog‘i attraksionida halokat sodir bo‘ldi. 31 kishi jarohatlangan
Izoh (0)