Rossiyaning Kobuldagi elchixonasiga kirish darvozasi yaqinida xudkush terrorchi portlash sodir etdi, deb yozadi “RBK”.
Reuters politsiyaga tayanib xabar berishicha, “Tolibon” vakillari elchixonaga qarab ketayotgan terrorchini yo‘q qilgan.
“O‘z nishonigacha borib yetmasidan xudkush terrorchi Rossiya elchixonasi soqchilari tomonidan tanib olingan va otib tashlangan. Jabrlanganlar haqida ma’lumot yo‘q”, — dedi Mavloviy Sabir, portlash yuz bergan hududda faoliyat yurituvchi politsiya uchastkasi boshlig‘i.
“RIA Novosti” ma’lumotlariga ko‘ra, portlash rossiyalik diplomat viza olishga da’vogarlar ismlarini aytib chaqirish uchun chiqqan paytida yuz bergan. Halok bo‘lgan yoki jabrlanganlar soni 15 dan 20 kishigacha deb baholanmoqda.
Izoh (0)