4 сентябрь куни Украина президент офиси раҳбарининг ўринбосари Кирило Тимошенко Facebook’да Украина Қуролли кучлари аскари Херсон вилоятининг озод қилинган Високополе посёлкаси устида Украина байроғини кўтараётгани акс этган суратни жойлаштирди (унинг озод қилингани ҳақида расмий маълумот йўқ). Харьков ва Николаевдаги турар жойлар яна бир бор зарбага учради, ярадорлар бор, аммо қурбонлар ҳақида хабар берилмаган. Россия назоратидаги Энергодар ҳукумати Украина ракетаси Запорожье атом электр станциясининг энергия блокига келиб тушганини маълум қилди. Мелитопол ва истелодаги бошқа бир неча аҳоли пунктларида электр энергияси ўчди. Meduza урушнинг 193-кунига оид асосий кадрларни жамлади.
Днепропетровск вилояти
Сергей ва унинг рафиқаси Алена Запорожье АЭСдан 30 километр узоқликда жойлашган қишлоғида йўл четидаги фургонда ўтирибди. Днепропетровск вилоятининг кўплаб аҳолиси ўзлари яшайдиган шаҳар-қишлоқларнинг мунтазам бомбардимон қилинишидан қўрқиб машина ёки чодирларда тунамоқда.Фото: AP Photo
Николаев
Николаевдаги тиббиёт маркази ходимлари 4 сентябрь куни шаҳарнинг ўққа тутилишидан қолган вайроналарни тозаламоқда. Ҳалок бўлганлар ва жароҳатланганлар ҳақида маълумот йўқ, бироқ, Украина ОАВлари маълумотларига кўра, учта тиббиёт муассасаси ва иккита таълим муассасаси, шунингдек, турар жой бинолари шикастланган.Фото: AFP
Украиналик сапёрлар Харьковда Россия авиазарбасидан қолган ўрани кўздан кечирмоқда. Шаҳар маъмурияти тунги ҳужумлар оқибатида шаҳарнинг икки аҳоли пунктида жароҳатланганлар борлигини маълум қилди.Фото: Anadolu
Харьков аҳолиси Россия авиазарбаси тушган жойни томоша қилмоқда.Фото: Anadolu
Украиналик сапёрлар шаҳарга тушган рус снарядининг парчаларини йиғмоқда.Фото: Anadolu
Харьковдаги меҳмонхона ходими мушуклари билан меҳмонхонага кўчиб ўтди. Унинг уйи жойлашган туманлардан бири Россия томонидан доимий равишда ўққа тутилмоқда, шу сабаб у ерда қолиш жуда хавфли.Фото: ZUMA Пресс
Харьковликлар кинотеатрга айлантирилган автотураргоҳда фильм томоша қилмоқда.Фото: Anadolu
Изоҳ (0)