Ҳиндистоннинг Мохали (Панжоб штати) шаҳрида аттракционда авария юз берди, айланувчи арғимчоқ тахминан 15 метр баландликдан қулаб тушди, деб хабар бермоқда ТВ9.
Телеканал маълумотларига кўра, 10 га яқин киши жароҳатланган, аттракционда жами 50 га яқин одам бўлган. Жабрланганлар шифохонага ётқизилган, улар орасида камида уч нафар бола ҳам бор.
Аттракцион «Лондон кўприги» байрам тадбири доирасида ўрнатилган эди.
«Техник муаммо бўлганга ўхшайди. Биз илгари ҳам бир неча фестиваллар ташкил қилганмиз, аммо бундай ҳодиса юз бермаган», — дея ташкилотчи Санни Сингхнинг сўзларини келтирди Hindustan Times хабарида.
Полиция воқеа бўйича тергов бошлади.
Мавзуга доир: Германиядаги Legoland кўнгилочар боғи аттракционида ҳалокат содир бўлди. 31 киши жароҳатланган
Изоҳ (0)