Shanxay hamkorlik tashkilotiga a’zo mamlakatlarning yetakchi inflyuenserlari O‘zbekistonga tashrif buyurdi va Samarqand shahridagi “Ipak yo’li” xalqaro turizm va madaniy meros universitetida bosh vazir o’rinbosari — turizm va madaniy meros vaziri Аziz Аbduhakimov bilan uchrashdi.
Аziz Аbduhakimov ular bilan muloqotda O’zbekistondagi turizm sohasidagi islohotlar hamda SHHT sammiti oldidan Samarqand ruhini aks ettirish maqsadida amalga oshirilayotgan ishlar haqida ma’lumot berdi. Inflyuenserlar, o‘z o‘rnida, O’zbekistonning Toshkent, Buxoro va Samarqand shaharlarida bo‘lib, sohadagi o‘zgarishlarga shaxsan guvoh bo‘lganini ta’kidladi.
“Anchadan beri tarixlar chorrahasi hamda ajoyib madaniy merosga ega bo‘lgan ushbu muqaddas zaminda bo‘lishni orzu qilardim. Xalqingizning mehmondo‘stligini-ku, so‘z bilan ta’riflab bo‘lmaydi! O‘zbekiston turizm sohasida ulkan salohiyatga ega. “Ipak yo‘li” xalqaro turizm va madaniy meros universitetining sohaviy ta’limga oid resurslari bilan mavjud kamchiliklar bartaraf qilinishiga shubha yo‘q. Turizm sohasi yildan yilga faqat yaxshi bo‘lishiga ishonaman.Shuningdek, u muloqot davomida “Ipak yo‘li” xalqaro turizm va madaniy meros universiteti kutubxonasiga “Gorod govorit” nomli mualliflik kitobini sovg‘a qildi. Bundan tashqari, Qirg‘iziston vakili – taniqli bloger Adelet Nogoybayev ham O‘zbekistonga oid taassurotlari bilan o‘rtoqlashdi.Ta’kidlash lozimki, Samarqanddagi logistika bilan ko‘p yutuqlarga erishish mumkin — Buxorgacha 1,5 soat, 2 soat Toshkentgacha poyezdda qatnash, shuningdek, ajoyib yangi aeroport — turizm sohasi uchun bundan yaxshi sharoit bo‘lishi mumkin emas. Umid qilamanki, yaqin orada do‘stlarim bilan birga yana kelamiz, chunki ular hozirdanoq bu yerga qanday borish, nimalarni ko‘rish mumkinligi haqida savollar yo‘llashmoqda”, — deydi Rossiya vakili — Butunjahon peterburgliklar klubi va Rus geografik hamjamiyati a’zosi Vladimir Dervenyov.
“Samarqandga tashrif buyurib, o‘zim uchun yangi bir maskanni kashf etdim. Jumladan, Silk Road Samarqand turizm markazi menda katta taassurot qoldirdi. Go‘yoki O‘zbekistonning ko‘zga ko‘ringan nuqtalarini bir joyga jamlagandek. Ta’kidlashim kerakki, O‘zbekiston har yili turistlar uchun yangi syurprizlar tayyorlaydi. Keyingi safar Samarqandga rafiqam bilan kelishni niyat qildim. Chunki bu yerda nafaqat tarixiylik bor, balki madaniyat, san’at, romantika bor. Bu yerda hatto quyosh botishi ham o‘zgacha”,— deydi Nogoybayev.Ma’lumot uchun, xorijlik inflyuenserlar sayohat davomida O‘zbekiston, xususan, Samarqand haqidagi taassurotlarini o‘z platformalariga joylab bormoqda.
Izoh (0)