Kecha ijtimoiy tarmoqlarda bir qiz boshqa qizni urib, uni “samosud” qilgani tasvirlangan video tarqaldi. Xorazm viloyati IIB axborot xizmati qizlar jangi haqida to‘xtalib, voqea Xorazmda emas, Qoraqalpog‘iston Respublikasining Ellikqal’a tumanida sodir bo‘lganini ochiqladi.
“Bu yuzasidan Qoraqalpog‘iston Respublikasi IIV ijtimoiy tarmoqlardagi o‘zining rasmiy sahifalari orqali shu kunning o‘zida, ya’ni 2-sentabr kuni, xotin-qizlar o‘rtasidagi ushbu janjalli holat Qoraqalpog‘iston Respublikasining Ellikqal’a tumanida sodir bo‘lganligi va hozirgi kunda tergovga qadar tekshiruv harakatlari olib borilayotganligi to‘g‘risida xabar bergan bo‘lsa-da, biror-bir internet-nashr ushbu xabarga e’tibor qaratmagan”, — deyiladi viloyat IIB axborot xizmati ma’lumotida.
Qoraqalpog‘iston IIV rasmiy kanalida esa voqea 2022-yilning 10-avgust kuni sodir bo‘lgani ma’lum qilingan.
“Joriy yilning 10-avgust kuni soat 17:00 larda Ellikqal’a tumani, Q.Nurumbetov ko‘chasi, 54-uyda yashovchi, 2002-yilda tug‘ilgan B.Z. Ellikqal’a tumani markaziy dehqon bozorining janubiy tomonida joylashgan do‘konlar oldida jamiyatda o‘rnatilgan yurish-turish qoidalarni qasddan mensimasdan, bezorilik jinoyatini sodir qilish maqsadida Ellikqal’a tumani, A.Temur ko‘chasida yashovchi, 2005-yilda tug‘ilgan SH.L. bilan o‘rtalarida kelib chiqqan kelishmovchiliklarni o‘zaro mustaqil hal qilishni xohlab, atrofdagi odamlarning ko‘z oldida SH.L.ning tanasining ko‘plab joylariga qo‘l va oyoqlari bilan bir necha marotaba urib, tepib qasddan bezorilik jinoyatini sodir qilgan”, — deyiladi IIV axborot xizmati xabarida.
Qo‘shimcha qilinishicha, mazkur holat bo‘yicha Ellikqal’a tumani IIB huzuridagi Tergov guruhi tomonidan tergovga qadar surishtiruv ishlari olib borilmoqda.
Izoh (2)
Nima bõldi ayibdor dopilib chazo berildimi bu vaxshiylikka
Bularning ishi oxiri nima boʻlganini yozinglar iltimos