Prezident Shavkat Mirziyoyevning qator farmonlariga muvofiq, O‘zbekiston mustaqilligining 31 yilligi munosabati bilan ko‘plab o‘zbekistonliklar faxriy unvonlar, orden va medallar bilan taqdirlangan edi.
Bugun, 30-avgust kuni Ko‘ksaroyda ushbu mukofotlarni topshirish marosimi bo‘ldi.
Prezident Shavkat Mirziyoyev yig‘ilganlarni avvalo Mustaqillik bayrami bilan tabrikladi.
“Xabaringiz bor, turli soha va tarmoqlarda barchaga ibrat va namuna bo‘lib mehnat qilayotgan bir guruh yurtdoshlarimiz davlatimizning yuksak mukofotlari bilan taqdirlandilar. An’anaga muvofiq, bugun sizlarga mana shu faxrli unvon, orden va medallarni topshirish uchun yig‘ildik. Davlatimizning oliy mukofotlarini siz azizlarga – o‘z egalariga topshirish men uchun haqiqatan ham katta sharafdir”, — dedi davlat rahbari.Shavkat Mirziyoyev Butunjahon shaxmat olimpiadasida g‘olib bo‘lgan o‘zbekistonlik shaxmatchilar haqida gapirdi.
“Hindistonda shaxmat bo‘yicha bo‘lib o‘tgan olimpiadada ishtirok etgan O‘zbekiston terma jamoasining yigitlari musobaqa chempioni bo‘lgani so‘nggi yillarda yoshlarimizga berilayotgan e’tiborning mevasi. Qizlarimiz ham musobaqada anchagina faol ishtirok etishganini aytib o‘tish zarur.“Daryo” muxbiri ushbu taqdirlash marosimidan fotoreportaj tayyorladi.Bundan tashqari, 46-Butunjahon shaxmat olimpiadasining O‘zbekistonda o‘tkazilishi ham sportga qaratayotgan e’tiborimizning natijasidir. Dunyo bizni shaxmatda tan olayotganini ham aytib o‘tish darkor”, — deydi davlat rahbari.
Izoh (0)