Sirdaryoda 2 nafar ayolni Rossiyaga fohishalik qilish uchun jo‘natayotgan shaxs qo‘lga olindi

Sirdaryo viloyati Guliston shahrida 2 nafar ayolni Rossiyada fohishalik qilishlari maqsadida pullayotgan ayol qo‘lga olindi.

Sirdaryo viloyati IIB xodimlari tomonidan 2022-yil 22-avgust kuni olib borilgan tezkor tadbir davomida 1978-yil Jizzax viloyatida tug‘ilgan, Mirzaobod tumanida yashovchi fuqaro M.R o‘zining tanishlari 1986-yilda tug‘ilgan, fuqaro D.N hamda 1991-yilda tug‘ilgan K.K.ni Toshkent xalqaro aeroporti orqali, Rossiya davlatiga jo‘natishlik uchun elektron chipta rasmiylashtirib, fohishalik ishlarida yollab, jo‘natayotgan vaqtida Guliston shahar hududidan o‘tgan M-34 yo‘lining Guliston–Toshkent yo‘nalishida tezkor tadbir ishtirokchilari tomonidan daliliy ashyolar bilan qo‘lga olingan.

Mazkur holat yuzasidan Guliston shahar IIB huzuridagi Tergov bo‘limi tomonidan fuqaro M.R. va boshqalarga nisbatan Jinoyat kodeksining 135-moddasi 2-qismi “b”, “e”,“z” bandlari bilan jinoyat ishi qo‘zg‘atilgan.

Hozirda tergov harakatlari olib borilmoqda.