Futbol bo‘yicha Angliya Premyer Ligasining 4-turidan o‘rin olgan bir qator o‘yinlar 27-avgust, shanba kuni bo‘lib o‘tdi.
“Liverpul” o‘z maydonida “Bornmut”ni qabul qildi. Uchrashuv mersisaydliklarning hujumkor o‘yini bilan boshlandi. 3-daqiqadayoq Luis Dias raqib darvozasini ishg‘ol qildi. Oradan biroz vaqt o‘tib, Harvi Elliot ham o‘z hisobiga gol yozdirib qo‘ydi. Yurgen Klopp shogirdlari shu bilan to‘xtab qolmadi. 28-daqiqada Trent Aleksander-Arnold, 31-daqiqada Roberto Firmino, 46-daqiqada esa Virjil van Deyklar gol muallifiga aylandi. Ikkinchi bo‘limda ham raqibiga imkon qoldirmagan “Liverpul” Kris Mefamning avtogoli evaziga hisobni 6:0 ko‘rinishiga olib keldi. 62-daqiqada Roberto Firmino dublni rasmiylashtirdi. 80-daqiqada esa Fabio Karvalyu ham o‘z hisobiga gol yozdirib qo‘ydi. 85-daqiqada Luis Dias yana bitta gol urib, jamoasining 9:0 hisobidagi g‘alabasiga hissa qo‘shdi.
“Chelsi” “Lester” bilan bahs olib bordi. Uchrashuvning 28-daqiqasida Konor Gallager qizil kartochka olib maydonni tark etdi. Qolgan daqiqalarda londonliklar bir kishi kam bo‘lib o‘yinni davom ettirdi. Uchrashuvning 47 va 63-daqiqalarida Rahim Sterling dublni rasmiylashtirib, jamoasini hisobda oldinga olib chiqdi. 68-daqiqada Harvi Barns hisobni qisqartirdi.
“Manchester Siti” esa “Kristal Pelas” mezboni bo‘ldi. 4-daqiqada Jon Stouns o‘z darvozasini ishg‘ol qilgan bo‘lsa, 21-daqiqada Anderson mehmonlar safida yana bir gol muallifiga aylandi. Ikkinchi bo‘limda Pep Gvardiola shogirdlari iroda namoyish etib, Bernardu Silvaning bitta goli va Erling Holandning het-trigi evaziga g‘alabani ilib ketdi.
Ushbu g‘alabadan so‘ng “Liverpul” ochkolari sonini 5 taga yetkazib, 8-o‘ringa ko‘tarilib oldi. “Chelsi” esa 7 ochko bilan 6-pog‘onani, “Manchester Siti” 10 ochko bilan 1-o‘rinni band etdi.
APL
4-tur bahslari
27-avgust, shanba
“Liverpul” — “Sauthempton” 9:0
Gollar: 1:0 – 3 Dias, 2:0 – 6 Elliott, 3:0 – 28 Aleksander-Arnold, 4:0 – 31 Firmino, 5:0 – 45 van Deyk, 6:0 – 46, Mifem (avtogol), 7:0 – 62 Firmino, 8:0 – 80 Karvalyu, 9:0 – 85 Dias.“Liverpul”: Alisson, Aleksander-Arnold (Klark, 83), van Deyk, Gomes, Robertson (Simikas, 69), Henderson (Baychetich, 70), Fabinyo, Elliott (Karvalyu, 46), Firmino (Milner, 69), Saloh, Dias.
“Bornmut”: Trevers, Smit (Solanke, 46), Senesi, Mifem (Bivan, 82), Zemura, Lerma, Kristi (Billing, 46), Kuk (Pirson, 77; Markondes, 82), Taverne, Mur, Entoni.
Ogohlantirish: Smit (35).
“Chelsi” — “Lester” 2:1
Gollar: 1:0 – 47 Sterling, 2:0 – 63 Sterling, 2:1 – 66 Barns.“Chelsi”: Mendi, Jeyms, Tiago Silva, Chaloba, Kukurelya (Chiluel, 90+2), Loftus-Chik, Maunt (Aspilikueta, 46), Jorjinyo (Kovachich, 75), Gallaher, Haverts, Sterling (Pulishich, 75).
“Lester”: Uord, Kastan, Evans, Amarti, Djastin, Prat (Peres, 55), Barns, Tilemans (Ndidi, 89), Sumare (Iheanacho, 55), Dyuzberi-Xoll, Vardi.
Ogohlantirishlar: Gallaher (22), Dyuzberi-Xoll (31), Prat (40), Haverts (90+3).
Chetlatish: Gallaher (28).
“Manchester Siti” — “Kristal Pelas” 4:2
Gollar: 0:1 – 4, Stouns (avtogol), 0:2 – 21 Andersen, 1:2 – 53 Bernardu Silva, 2:2 – 62 Holand, 3:2 – 70 Holand, 4:2 – 81 Holand.“Manchester Siti”: Ederson, Uoker, Stouns, Ruben Diash, Joau Kanselu (Gundo‘g‘an, 61), Serxio Gomes, de Bryuyne (Palmer, 89), Bernardu Silva, Rodri, Foden, Marez (Alvares, 61), Holand.
“Kristal Pelas”: Guaita, Klayn (Olise, 74), Uord, Andersen, Gehi, Mitchell (Richards, 57), Eze, Shlupp, Dukure, Ayyu (Mateta, 74), Eduar (Hyuz, 67).
Ogohlantirishlar: Foden (86), Mateta (86).
Izoh (0)