“Tolibon” Afg‘onistonda kriptovalyutalarni taqiqladi, token sotuvchilarni hibsga oldi

Afg‘oniston Markaziy banki shu oyda kriptovalyutalarga butun mamlakat bo‘ylab taqiq qo‘ydi. “Tolibon” esa raqamli tokenlar savdosini to‘xtatish buyrug‘ini buzgan bir qancha dilerlarni hibsga oldi. Bu haqda Bloomberg xabar bermoqda.

Markaziy bank bizga barcha pul almashtiruvchilar, jismoniy shaxslar va tadbirkorlarga bitkoin kabi firibgar raqamli valyutalardan foydalanishni taqiqlash haqida buyruq berdi, — dedi Hirot viloyati politsiya boshqarmasi jinoiy tergov bo‘limi boshlig‘i Sayid Shoh Saadat.

Unga ko‘ra, bu oy joriy etilgan taqiq davomida “Tolibon” 13 kishini hibsga oldi, ularning aksariyati garov evaziga qo‘yib yuborildi.

Bundan tashqari, Afg‘onistonning uchinchi yirik shahri va raqamli tokenlar savdosi markazi bo‘lgan Hirotda 20 dan ortiq kripto birjalari yopildi.

Ba’zi afg‘onistonliklar o‘z boyliklarini saqlab qolish va uni “Tolibon” qo‘liga tushib qolishini oldini olish maqsadida kriptovalyutalardan foydalanishni boshlagandan so‘ng bu choralar ko‘rilmoqda.

Kriptovalyutalar “Tolibon”ga qarshi joriy etilgan sanksiyalar tufayli global bank tizimidan uzilgan mamlakatda pul o‘tkazishning mashhur usuliga aylangan.

Avvalroq O‘zbekistonda xorijiy kriptobirjalar nima uchun bloklangani ma’lum bo‘lgani haqida xabar berilgandi.