Афғонистон Марказий банки шу ойда криптовалюталарга бутун мамлакат бўйлаб тақиқ қўйди. «Толибон» эса рақамли токенлар савдосини тўхтатиш буйруғини бузган бир қанча дилерларни ҳибсга олди. Бу ҳақда Bloomberg хабар бермоқда.
Марказий банк бизга барча пул алмаштирувчилар, жисмоний шахслар ва тадбиркорларга биткоин каби фирибгар рақамли валюталардан фойдаланишни тақиқлаш ҳақида буйруқ берди, — деди Ҳирот вилояти полиция бошқармаси жиноий тергов бўлими бошлиғи Сайид Шоҳ Саадат.
Унга кўра, бу ой жорий этилган тақиқ давомида «Толибон» 13 кишини ҳибсга олди, уларнинг аксарияти гаров эвазига қўйиб юборилди.
Бундан ташқари, Афғонистоннинг учинчи йирик шаҳри ва рақамли токенлар савдоси маркази бўлган Ҳиротда 20 дан ортиқ крипто биржалари ёпилди.
Баъзи афғонистонликлар ўз бойликларини сақлаб қолиш ва уни «Толибон» қўлига тушиб қолишини олдини олиш мақсадида криптовалюталардан фойдаланишни бошлагандан сўнг бу чоралар кўрилмоқда.
Криптовалюталар «Толибон»га қарши жорий этилган санкциялар туфайли глобал банк тизимидан узилган мамлакатда пул ўтказишнинг машҳур усулига айланган.
Аввалроқ Ўзбекистонда хорижий криптобиржалар нима учун блоклангани маълум бўлгани ҳақида хабар берилганди.
Изоҳ (0)